كتبت- داليا عبد العزيز
ناشدت دان آدم زوجة حسام حسن المجلس القومي للمرأة للتدخل العاجل ودعمها لإتمام إجراءات الطلاق وحماية أبنائها.
جاء ذلك من خلال تسجيل صوتي نشرته عبر حسابها الشخصي بموقع تبادل الصور والفيديوهات”انستجرام”.
قالت دان آدم: (بناشد المجلس القومي للمرأة، أنا في مرأة اهي مش بتطالب غير إن هي تاخد ولادها وتبعد وأنا وعد مني هفضل ست ساكتة وصاينة العشرة وساكتة عن حاجات مفيش ست في الدنيا كانت ممكن تعديها ولا ممكن يحصلها كم الأذى ده وتسكت)
وقالت: الفضايح مش في إن في طلاق بيتم ، الفضايح في التفاصيل وأنا عمري ما هحكي التفاصيل عشان خاطر أولادي أولًا وأخيرًا.
وكسرت دان آدم زوجة حسام حسن صمتها لأول مرة بعد طلبها الطلاق ، لتوضح الأسباب التي دفعتها لذلك وترد على كم الإتهامات الموجهة إليها، وذلك من خلال تسجيل صوتي نشرته عبر حسابها الشخصي بموقع تبادل الصور والفيديوهات “انستجرام”.
قالت زوجة حسام حسن: “كل الأزمات اللي عدت عليا الفترة اللي فاتت كنت بواجه لوحدي ليه وليا، ايه الفضايح ياجماعة اللي بعملها أنا ست بتطلب الطلاق فين الفضايح في كده الستات في مصر مبيطلقوش يعني؟! … كل شوية حد ينزل مصدر مقرب من دان مصدر صرح عن طريق دان كل ده محصلش ولما حبيت انزل حاجة نزلتها على ستوري عندي”.
