هاجم الإعلامي عمرو أديب، نادي الزمالك بعد خوض مباراة سيراميكا كليوباترا، بعد رفض اللعب أمام الأهلي.
وقال عمرو أديب: “عندي سؤال مش لاقي ليه إجابة وهو ليه الزمالك مالعبش ماتش الأهلي؟”.
وأضاف عمرو أديب، خلال تقديمه برنامج “الحكاية”،”الزمالك لعب ماتش سيراميكا وكسب 4/2.. بما إنك لعبت ماتش سيراميكا ملعبتش ماتش الأهلي ليه؟”.
واستطرد عمرو أديب: الزمالك كان ليه 4 طلبات ولم يتم تحقيق أي طلب منه، وهناك سر من الأسرار، ولا تعرف ليه الدوشة كلها اتعملت.. فيه حاجه غلط.
وأكمل: كان فيه قرار كان يبدو فيه كرامة وفخر وبعدين فجأة نكتشف أن القرار كان غلط لأنه لو كان صح مكنش حصل إللي حصل ده، عمري ما فهمت الحكاية.
وقد تفاعل الكثير من رواد منصات التواصل الاجتماعي على الأسئلة والحيرة التي طرحها عمرو أديب مابين دهشة وصدمة وعدم وجود إجابة صريحة منهم أو من جانب المسئولين بالقلعة البيضاء.
