السورية مها عماد تكتب .. رثاء أمي الحنونة
يا أمي ياحنونة
تركتينا يامزيونة
تركتي الدار
بكيتي الجار
وبكيتي حجار الصوان
عفراقك ياحنونة
جف الدمع من عيوني
وصيتيني بالأحباب
ع فراقك التمو الغياب
التمينا ولو شفتينا
ما كنتي زهدتي فينا
لميتينا لمة حزن
وحننتي الغرب علينا
بكيتينا دموع الجمر
نشفتي الدمع فينا
ما رخصتي ياحنونة
ياجوهرة يا مكنونة
ع غيابك حزنة الدار
وصار الليل داير مندار
وها البي القوي الجبار
بعمري ماشفتو منهار
ضاعت بحكم الأقدار
شريكة عمرو الحنونة
بدعيلك برحمة من الباري
ويصبرنا ياغالية
ع فراقك وحرقة ناري
وان شفتيني حزينة
لاتلوميني يازينة
بكفوفي لملمت الدم
ولاتذوقي من كأس هالسم
لما شفتك بتروحي
ومافديتك بروحي
لوببكي العمر كلو
مابوا فيكي ياعيوني
ياما سهرتي وكفكفتي
ع الدار وسكان الدار
ما عرفنا حكم الآقدار
انو مقصر هالمشوار
ركضتي كثير وماشفتي
غير الهم ما حصلتي
وبس شفتينا صرنا كبار
سعدتي بس ….
مالحقتي
زرعتي الغصة فينا
رحتي ما ودعتينا
وماقدرنا ياشمعة هالدار
نرد جميل علينا صار
ولا قدرنا يازهرة نوار
نحقق شوي من آمالك
خيبنا ظنك فينا
دخل عيونك سامحينا
واللي كانو مواسينا فضلو كتير علينا
مستاهلي الأجر يلي صرلك كل الجيرة بتشهدلك
حصدتي كل أعمالك بساعة ماحل غيابك
والله يقدرنا ونظل لـ نمشي ع منوالك…
