تحدث أحمد سيد زيزو، لاعب النادي الأهلي، عن لحظات الخوف والرعب التي عاشها مع أسرته، لحظة وقوع زلزال في الثالثة فجر اليوم الاثنين، والذي ضرب القاهرة وعدة محافظات بمصر..
وكتب زيزو عبر حسابه الشخصي على انستجرام: ثواني من الخوف كانت كافية إن الدنيا بكل اللي فيها من زخرف وملذات ووو الخ، تصغر في عين الناس، وإن كل واحد يفتكر النهاية ولا ملجأ غير ربنا.
زيزو: الحياة.. والخصام والظلم
وقال زيزو : الحياة أقصر من إننا نعيشها في خصام وظلم وغضب، وأقصر من إن الدنيا تشغلنا عن اليوم اللي كلنا رايحين له.
وأضاف لاعب الأهلي: اشتغل واسعى واحلم، لكن ما تنساش وأنت بتبني دنيتك إنك تبني لآخرتك، وما تأجلش توبة ولا خير تقدر تعمله، ولا حق تقدر ترجعه.
وأكمل زيزو: يمكن ربنا يرسل لنا لحظات زي دي مش بس عشان نخاف، لكن عشان نفوق، ونراجع نفسنا ونفهم إن وجود فرصة تانية في حد ذاته نعمة، اللهم احفظنا برحمتك، واغفر لنا، وأحسن خاتمتنا، ولا تأخذنا إلا وأنت راض عنا.
اقرأ أيضا – هل يرحل زيزو عن الأهلي بنهاية الموسم
