ريم البارودي تفتح النار على رامز جلال وتكشف المستور
عرضت قناة “النهار” الجزء الثاني من حلقة الفنانة ريم البارودي، تقديم الإعلامية بسمة وهبة ويعرض طوال شهر رمضان في برنامجها المعروف ” العرافة”.
وقالت “ريم” أنها اعتذرت عن الظهور في برنامج “رامز جاب من الآخر” وبالتحديد في حلقة الفنانة سمية الخشاب قالت: اعتذرت قبل الحلقة بيوم لأن أولا: ماكنتش اعرف إن احنا الضيفين وكنت اعرف إني ضيفة واحدة.
جايبنا تضحك علينا الوطن العربي.. عيب وإهانة
ثانيا: رامز لذيذ ودمه خفيف بس تقيل في تقديمته وتقيل في الهزار مع الضيف، وأنت دلوقتي جايبني أنا وسمية ليه تضحك علينا الوطن العربي عيب، وإهانة متعمدة عيب.!
واستكملت: وتقول عليا حريم فلان وإكسات فلان عيب هو ده الهزار، وهي دي الحقيقة أمال هو مطلعنا ليه، وحصل مابيني ومابين سمية مكالمة طويلة، وسمية الخشاب كانت عارفة واستأذنوها وقالت لي والست كانت مرحبة جدًا وقالت لي تعالي وهنعمل حلقة حلوة، وأنا كنت هصور فعلا بس مش مع سمية الخشاب وأنا مش على خلاف معاها وانا وهي اتصالحنا من قبل 2021.
و انفعلت الفنانة ريم البارودي على الإعلامية بسمة وهبة، ، خلال فقرة سرك مش في بير، وذلك يسبب سؤال حول حياتها الشخصية.
وأثناء الحلقة وجهت بسمة وهبة، سؤالا للفنانة ريم البارودي، قائلة: سرك مش في بير ده سؤال عن حياتك الشخصية محدش يعرفه خالص، لترد عليها ريم البارودي قائلة: لو تقدري تسألي السؤال أنا هرد عليكي، وتمزق ريم ورقة الأسئلة على الهواء..!
أعمال ريم البارودي
و يعد مسلسل حكاية بنات السباعي آخر أعمال ريم البارودي، وتدور أحداث المسلسل في إطار اجتماعي حول ياسمين الشقيقة الكبرى لإخوتها وتقف بجانبهم، وتتطور الأحداث.
ويضم المسلسل عددا كبيرا من النجوم، منهم :محمد التاجي، أحمد جمال سعيد، محمود حجازي، وآخرين، وهو من تأليف محمود إبراهيم وإخراج تامر حمزة.
