كتب – مجدي الخبيري
بعث مصطفى يونس، نجم الأهلي السابق، برسائل قوية بعد انتهاء إيقافه من جانب المجلس الأعلى للإعلام، على خلفية هجومه على مجلس إدارة القلعة الحمراء برئاسة محمود الخطيب.
وقال مصطفى يونس، في فيديو عبر منصة «يوتيوب»:
«الحمدالله، انتهى إيقافي وسوف التزام بالكود الإعلامي ده واجب علينا كلنا، لكن مش معنى ده إن لما أشوف حاجة غلط هسكت، استحالة لأن ده لا تاريخ ولا أسلوب مصطفى يونس».
وأضاف: «لو شوفت حاجة غلط مش هسكت ده مش في النادي الأهلي بس في كل الأندية، أنا مش بخاف غير من ربنا، أنا لازم ألتزم بالكود الإعلامي، لكن مش أنا اللي أخاف، مش بعد العمر ده كله هخاف».
وأكمل: «حبي للنادي الأهلي مش هيتغير لأنه هو اللي عمل مصطفى يونس.. اللي ميصونش معايا العيش والملح مش هصون معاه العيش والملح، مفيش حاجة بيني وبين الأشخاص داخل النادي الأهلي، أنا بتكلم على الكيان نفسه، أنا مش هتكلم في الحاجات اللي كنت بتكلم عليها قبل كده، ليس خوفًا ولكن لو شوفت حاجة غلط في الكورة هطلع اتكلم، لأني عايز أشوف الأهلي أحسن حاجة في الدنيا، والناس عرفت اللي بيقبض»!!.
وتفاعل الكثير مع كلمات مصطفى يونس وأشادوا به وبإصراره، وطالبه البعض الآخر بأن الكلام مبقاش يفيد .. اتكلم زي ماأنت عاوز بس مش هيتغير شئ، والبعض الآخر طالب بمساندة المجلس في فترة مهمة وصعبة.
