أحمد طه يكتب .. لاتؤجلوا الأشياء الجميلة
اللي جوه نفوس الناس بقي يخض .. ومن رحمة ربنا إنه مستخبي!!
لما تلاقي نظرة الحب الحقيقية في المطارات، والندم الحقيقي تلاقيه في المقابر، والدموع الحقيقية تلاقيها في الجنازة والدعاء من أعماق القلب تلاقيه في المستشفى، يبقى إحنا ناس مشاعرنا مزيفة .
لأننا ببساطة مبنعرفش قيمة بعضنا إلا في النهايات ..و نقول تاني إنك تقدم وردة في وقتها أحسن كتير من أنك تجيب نجمة من السماء بعد فوات الأوان .
أنك تقول كلمة حلوة في الوقت المناسب، أحسن كتير من أنك تكتب قصيدة بعد ما تختفي المشاعر، مفيش فايدة من أشياء أو مشاعر تيجي متأخرة ك قبلة اعتذار على جبين ميت .
ياسادة لا تؤجلون الأشياء الجميلة، ولا تكتمون المشاعر وتقتلون الأحاسيس بداخلكم فقد لا يأتي أوانها مرة أخرى
القلب الصادق يسافر من الخلق إلى الحق ويتجرد من أهل الملك والمال إلى أهل الصفات والأعمال .. سأل الكلب الغزال : لماذا تسبقني دائما ؟
فقال الغزال : لأني أركض لنفسي وأنت تركض لسيدك .. إن لم تستطع أن تكون غزالا للحق فلا تكون كلبا للباطل .
