انتقد الإعلامي عمرو أديب المشهد والحياة السياسية في مصر، مشيراً إلى غياب الدور الحقيقي للأحزاب، وضعف التواصل المباشر مع الشارع خلال الأزمات الاقتصادية.
أديب قال عبر قناة MBC مصر، منتقداً الصمت السياسي والإعلامي المصاحب لقرارات رفع الأسعار، قائلاً:
«دلوقتي العالم كله بيبص علينا ويقول مش كنت فرحان يا مصري؟ أنا مش واقف جنب سين أو صاد، أنا واقف جنب مصر، بس لازم الناس تتكلم.. في وقت القرارات الصعبة لازم يكون في سياسة، مش اقتصاد وبس.
وأشار أديب إلى أن الشعب المصري «شعب محترم وصبور وجبار»، لكنه في الوقت نفسه يحتاج من يخاطبه بوضوح ويشرح له أسباب القرارات التي تمس حياته اليومية.
هاجم أديب غياب الأحزاب السياسية عن المشهد، قائلاً:
«أنا مش هقولك أحزاب أحزاب إيه.. إحنا معندناش أحزاب! برة في أي دولة، النائب بيقف وسط الناس يقولهم إحنا زودنا البنزين بس علشان كذا وكذا، وبيحاول يشرح الموقف مش يبرر».
وأكد أن الأحزاب في الدول الديمقراطية تلعب دور الوسيط بين الحكومة والمواطن، بينما في مصر «المواطن بيسمع القرار بس، من غير ما حد يناقشه أو يشرحه».
وطالب أديب الوزراء والمسؤولين بالتواصل المباشر مع المواطنين، وعدم ترك الساحة للشائعات أو الغضب الشعبي، قائلاً:«وزير الشؤون الاجتماعية، وزير البترول، وزير التموين، رئيس الوزراء.. كل دول لازم يطلعوا يكلموا الناس، لأن في ناس قاعدة على آخرها. افتحوا وتكلموا، قولوا الحقيقة.
وأوضح أن التعامل الصامت مع الأزمات الاقتصادية لا يساعد على امتصاص الغضب، مضيفاً:
«الناس مش بتطلب معجزات، الناس عايزة تفهم.. لما الحكومة تطلع وتشرح، حتى اللي زعلان بيهدى».
أديب قال:«الوقت ده محتاج سياسة، محتاج حوار، محتاج ناس تطلع تفسّر مش تبرر البلد دي فيها شعب واعي ومحترم وناضج، يستحق يسمع الحقيقة من غير تجميل».
