طارق يحيى يبكي على الهواء حزنًا على الزمالك
أبدى طارق يحيى نجم الزمالك السابق، حزنه الشديد لحال الفريق الأبيض وما وصل إليه من أزمات كبيرة خاصة في الجانب المالي.
وقال طارق يحيى في تصريحات تليفزيونية: «الكلام على التبرع لنادي الزمالك بـ2 جنية يزعل جدًا، وحال الفريق ميسعدش حد أبدًا الزمالك فريق كبير ويستاهل يكون في القمة وبعيد عن المشاكل دايمًا وانهمر في البكاء على الهواء.
وأكمل: «الزمالك أكبر من كده بكتير، الناس خدت كلام إكرامي بالتبرع للفريق بسخرية كبيرة ودا مكانش قصد كابتن إكرامي طبعًا انما هو عايز يساعد الفريق علشان يعدي المحنة الكبيرة اللي بيمر بيها الفريق، لكن أي حد يقول الكلام دا فأكيد هو بيهرج، مينفعش أقول اتبرع للزمالك بـ2 جنية، على الرغم من أن الهدف من المقترح هو المساعدة في إدارة نادي تقدر تتخطى كل المشاكل دي وهي مهمتها انها توصل بالفريق لبر الأمان ويشكر إكرامي وبدر حامد انهم بيقترحوا أفكار ممكن تساعد الفريق».
