آيتن عامر تعتلي التريند برسالة لوالدها .. اطمن بنتك قدها
اعتلت الفنانة آيتن عامر تريند مواقع التواصل الاجتماعي في الساعات الماضية.
وذلك بعد نشرها صورًا مؤثرة تجمعها بوالدها الراحل، أرفقتها برسالة عاطفية صادقة عبر حسابها على “إنستجرام”، تحدثت فيها عن مشاعر الحزن والاشتياق وماتعلمته منه.
حيث تفاعل كثير من رواد التواصل على رسالتها على إنستجرام وتأثر البعض برسالتها وتعاطف معها بشكل كبير.
وكتبت آيتن:
“زعلانة منك في حاجات، ومفتقداك في حاجات أكتر بكتير، ومتأكدة إنه لو كنت موجود كنت هتبقى السند، لكن غيابك خلاني أكون سند لنفسي وللي حواليا، لأن فيا منك كتير، خصوصًا قوتك وجدعنتك، بس أنا تعبت من كتر القوة وزهقت، مش عايزة مشاكل ولا حروب، اللي عايز يفهم يفهم، واللي عايز يحكم ياخد راحته، مش هبرر ومش هدافع.”
وأضافت: “اتطمن، بنتك بميت راجل، ومهما الدنيا قست هتفضل واقفة ورأسها مرفوعة، يمكن تاخد استراحة محارب، بس دايمًا هتكون جاهزة لأي حاجة، ومش هيكون في احتمال للخسارة.”
واختتمت رسالتها قائلة: “بحبك، ووحشتني، وزعلانة منك، ومشبعتش منك، وجوايا وجع كبير، بس مش هقولك غير كلمة واحدة: اطمن… بنتك قدها.”
وشاركت أيتن عامر فى شهر رمضان قبل الماضى فى مسلسل “جودر” بطولة : ياسر جلال، نور اللبنانية، ياسمين رئيس، وفاء عامر، تارا عماد، أحمد بدير، عبد العزيز مخيون، علي صبحي، وليد فواز، رشوان توفيق، ياسر الطوبجي، أحمد كشك، جيهان الشماشرجي، عايدة رياض، محمود البزاوى، مجدى بدر، عابد عنان، هدى مجد ،تأليف أنور عبد المغيث، وإخراج إسلام خيرى
