كتب- عمرو الشامي
تواصل الإعلامي أحمد شوبير مع إبراهيم حسن مدير منتخب مصر الأول لكرة القدم، بعد أزمة شوبير مع الثنائي أحمد حسن نجم الكرة المصرية وعميد العالم ومدير المنتخب الثاني وعصام الحضري مدرب حراس المنتخب” الثاني” في الساعات الأخيرة.
أكد شوبير، أنه جرى في الساعات الأخيرة اتصالا مع إبراهيم حسن، مدير منتخب مصر، قبل مواجهة إثيوبيا، والمقرر لها مساء غدٍ الجمعة.
وقال شوبير في تصريحات إذاعية: «بقالي فترة متكلمتش مع إبراهيم حسن ولا حسام حسن، إمبارح لقيت إبراهيم باعتلي رسالة وماسحها إتخضيت، بعدها كلمته وخدنا مكالمة مطولة مع بعض.. وهذه تفاصيل رسالته.
وقال شوبير: إبراهيم قالي بص يا كابتن إحنا قافلين بُقنا ومش بنتكلم، قولتله حلو إحنا عايزين كدا وعندك 5 أيام حاسمة وأرجوك لا تهتم بالصغائر.
وأضاف: الكابتن إبراهيم قال” إحنا مش بنظلم حد وبنحاول بقدر الإمكان نكون أمناء في الاختيارات وكل شيء ومعندناش هدف غير إننا نوصل لكأس العالم في الوقت الحالي، ومحتاجين دعم المنظومة كلها وبتوصلنا كلّ الرسايل والحاجات وشايفين إن دا مش وقته، ولو إحنا مش بندرب كنا هندعم المنتخب في الوقت دا».
وأضاف: «قالي يا كابتن نفسي الجمهور يبقي موجود، لأنه هو السلاح والوقود، وعايز أبعت رسالة للاعبين اللي ليهم كباتن زي شوبير وإبراهيم وصلاح، وعايزينك توصل رسالة لجيل تسعين، ونتمني يكون ليهم مكان مخصص في الاستاد ونشوفهم كلهم في الماتش بيدعمونا».
