كتب- محمد فوزي
شن مجدي عبدالغني نجم الأهلي السابق ، هجوما عنيفا على هاني أبوريدة، رئيس اتحاد الكرة، بسبب الوضع الراهن في الدوريات المصرية المختلفة.
انتقد عبد الغني عبر شاشة «الشمس»، مستويات الدوريات خاصة الدوري الممتاز وعدم وجود متعة حقيقية لغياب أمور كثيرة.
وقال عبدالغني إن سمير زاهر رئيس اتحاد الكرة الأسبق توفي 13 مارس 2018 لو كان حيا لنجح في تسويق دوري المحترفين بأرقام كبيرة.
وأضاف: لكن مين فاضي؟ لما يكون عضو في الاتحاد الدولي والكاف وشمال أفريقيا (هاني أبوريدة) هيجيب وقت منين؟ هيجيب وقت منين لكل ده؟».
وأشار: ياريت لما مصر تتأهل رسميا لكأس العالم المجلس الحالي ميقولش إحنا اللي ودينا مصر كأس العالم، مصر من غير حاجة توصل لأن التصفيات بقت سهلة وبتلعب مع فرق ما أنزل الله بها من سلطان، وثلثي الماتشات اتلعبت أثناء مجلس جمال علام، وعندما نتأهل محدش يطلع يبارك ويجيب تورتة ونحتفل، لأننا مش أطفال وجمهور الكورة في مصر واعِ وبيفهم كويس في الكورة
