أسما شريف منير تتحدث عن الحب الحقيقي .. صور
صاحبت أسما شريف منير، صورة لها مع زوجها أحمد شامل عبر حسابها على “إنستجرام”، تعليق عن مفهومها لـ الحب الحقيقي.
وتفاعل متابعيها عبر السوشيال ميديا، مع الصورة الجديدة لها ولزوجها أحمد شامل ومع كلماتها التي لاقت استحسانا من الجميع في ردود أفعالها وتحليلها لتفاصيل الحب.
ووجهت أسماء لزوجها رسالة رومانسية قائلة: أنا كنت فاهمه الحب غلط، كنت فاكرة لما بطني توجعني و أفضل ألف ورا حد، يجنني و يديني حب بالقطارة، أو أقعد مع صحبتي نحلل هو قال كده ليه؟ قصده ايه؟ هيتكلم ولا لأ؟، كنت فاكرة إن ده هو الحب، لكن ده كان إحساس قلق.
وأضافت : الإحساس ده بنحبه و نفتكره حب عشان بيخلي الجسم والقلب والعقل مكهرب، وده بيعزز الدوبامين، زي جرعة بتخليك مدمن الشخص حتى لو مؤذي ، و بيلعب بمشاعرك، بس الحقيقة إن الحب مش كده خالص، الحب راحة، الحب إن الشخص يطمنك من قبل ما تقلق، يعرفك اللي إنت عايز تعرفه من غير ما تسأل، والمشاعر تبقى واضحة مش محتاجة فك شفرات.. الحب إنك تلاقي مكان ترتاح فيه، قلب تحس فيه بالأمان مش بالسؤال، شخص يشوفك ويختارك كل يوم من غير ما تضطر تجري أو تثبت نفسك،الحب مش كهرباء توترك، الحب هو الأرض اللي توقفك ثابت، شكراً انك طمنت قلبي.
وكشفت أسما شريف منير، عن خبر زواجها عبر حسابها على إنستجرام، وعلقت: أنا الحمد لله اتجوزت، وده قرار جه بعد فترة طويلة من رحلة عشتها مع نفسي، من حاجات كتير أوي اتعلمتها، تجارب دخلت فيها، اختيارات وصلت لها.
اقرأ أيضا
أسما شريف منير : العريس هرب من أولها
أسما شريف منير تعبر عن تضامنها مع فلسطين بطريقتها الخاصة
