انتقد المنتج جمال العدل، الإعلامي أحمد شوبير بعد مطالبة الأخير بضرورة معاقبة جمهور الزمالك عقب مباراة سيراميكا كليوباترا بسبب هتافات الجماهير ضد زيزو.
وقال جمال العدل في تصريحات تليفزيونية: كابتن أحمد شوبير بيهاجم جمهور الزمالك وبيقول لازم يتعاقبوا، طب يا كابتن شوبير كان فين صوتك لما جمهور الأهلي كان بيشتم إمام عاشور.
وأضاف العدل: كنت فين يا كابتن شوبير السنين دي ومتكلمتش ليه؟، أنا عايز اعرف كنت فين لما جماهير الأهلي كانت بتشتم لعيبة الزمالك من أيام حسن شحاتة؟
وأكمل جمال العدل: هتافات جماهير الأهلي مش مجرد هتافات، وشيكابالا قعد 20 سنة بيتشتم كنت فين يا كابتن شوبير؟ مبتتكلمشي ليه؟ مسمعناش صوتك.
وواصل جمال العدل: الإعلامي لازم يكون كلامه واحد مش على حسب المزاج.
واختتم العدل تصريحاته تصريحاته قائلا: انتمائي للقلعة البيضاء لا يرتبط بموقع أو منصب، قائلًا: الزمالك بالنسبة لي هو الحياة، مشددًا على أن هدف لجنة الاستثمار وتنمية الموارد هو خدمة النادي فقط، دون أي نية للترشح في الانتخابات المقبلة.
