كتب: عمرو الشامي
هدد مصطفى يونس، نجم النادي الأهلي السابق، بكشف أسرار جديدة حال استمرار الهجوم عليه وابنه.
وقال مصطفى يونس: “ابني مشوه من ناشئين الأهلي، وفتحي مبروك مشاه بتعليمات ومعه نجل محمد عمارة”.
وأضاف في فيديو بثه عبر قناته على موقع الفيديوهات “يوتيوب”:
“ما أثير وما كتب والحملات إياها اللي أنتو شايفينها ولا يهزوا شعرة من راسي لكن التفاهة إنه عاملين حملة على ابني عمر وهو عنده 13 سنة ودلوقتي عنده 24 سنة يعني حضراتكو شفتوا تفاهة أكتر من كده حملة على طفل عنده 13 سنة”.
وأضاف: “البيه اللي اتأيد 3 سنين واخد فيهم 13-10 مليون جنيه ولم يلعب شوطين.. على الأقل إبني ما كلفش النادي الأهلي حاجة ما قالوش تعالى خدلك 3 أو 4 أو 5 مليون جنيه في السنة وانت قاعد على الدكة”.
وأضاف : “إذا ما لمتش الناس اللي تبعك سأقول كل شيء، لما فيديو بتاع ابني يخش على الـ 700 ألف شخص.. إيه ده؟ إيه التفاهة دي؟”.
كان مصطفى يونس، لاعب النادي الأهلي ومنتخب مصر السابق، قد أكد- قبل ساعات – أن النادي الأهلي يُعد “أكبر مفسدة في مصر”، مشددًا على تمسكه بتصريحاته السابقة بهذا الشأن.
وقال يونس، خلال ظهوره في برنامج «الكابتن بلس» الذي يقدمه الإعلامي أحمد حسن عبر قناة «DMC بلس»:”لازلت عند كلامي.. الأهلي أكبر مفسدة في مصر، ومش الأهلي لوحده، الرياضة كلها فيها فساد”.
وأكمل : “أنا مش بغير كلامي، وكل كلمة بقولها أنا عارفها كويس، وروحت النيابة لما اشتكوني وقلت لهم أنا أقصد فلان الفلاني”.
