كشف الناقد الرياضي عمرو الدردير، عن أزمة لقاء القمة بين الأهلي والزمالك، وموقف بيراميدز من قرارات رابطة الأندية.
كتب الدردير عبر حسابه على فيسبوك:
“رابطة الأندية أخطأت خطأ فادح لما عملت القرعة الفجر متفهمش كده وفجأه عرفنا إن لقاء القمة بعد 5 أيام !! الأهلي كان عايز حكام أجانب بس مطلبش رسمي غير قبل الماتش بـ ٣ أيام وحتى لو طلب قبل الماتش بـ ٥ أيام قليل برضو، طب هل الزمالك طرف في المشكلة وكان رافض تحكيم أجنبي ؟ أبدا والله كل ما في الأمر الزمالك ممعهوش فلوس ومش هيصرف دولارات في دوري بعيد عننا حاجه بالعقل والمنطق ، طيب دلوقتي الأهلي قالك أنا حقي ألعب بحكام أجانب واللي مش عاجبه يخبط دماغه في الحيط ومش هلعب الماتش.
أنا مع الاهلي وبرضو أنا مع الزمالك، الزمالك حقه يتمسك بميعاد المباراة ويرفض التأجيل لان مش ذنبه وبرضو الأهلي حقه يلعب بحكام أجانب لأن الوقت كان ضيق والقرعة فجأه انت حطتني قدام الأمر الواقع وأعلنت عن حكام مصريين وأنا رافض ده وقولتلك مش هلعب،وبيراميدز حقه يعترض لما يلاقي القرارات اللي صدرت بتتلغي تاني خصوصا إنها بتهدد حسمه للدوري وده حقه شرعا وقانوناً.
يبقى الغلط كله عند رابطة الأندية في نظامها الفاشل لإدارة الدوري وعدم إدراكها للأمور لأنهم لو كانوا ماشيين صح مكنش حصل كده”.
