بعد الهجوم على «سامح حسين» بسبب الإجازات الكتير .. مؤلف قطايف يدافع
هنأ الفنان سامح حسين، الرئيس عبدالفتاح السيسي والشعب المصري، بمناسبة عيد الفطر المبارك، وأعرب عن أمله في أن يجعله الله عيدا سعيدا على كل الأمة الإسلامية وأن يعم السلام على إخواتنا في غزة.
جاء ذلك خلال احتفالية بحضور الرئيس عبدالفتاح السيسي بمناسبة عيد الفطر المبارك، الإثنين.
وقال الفنان سامح حسين، في فقرة استثنائية له من برنامجه “قطايف” أمام الرئيس، إن الشعب المصري أبهر العالم بقدرته العجيبة على الضحك في أصعب المواقف.
وأضاف: ربنا خلقنا كده بنحب الضحك والفرحة.. والعيد فرحة، ويا رب يكتر أفراحنا.
وقال: بس مش ضروري نأخذ كل الأعياد دي إجازات وورانا شغل كتير أوي.
وحضر السيسي، صباح الاثنين، احتفالية عيد الفطر المبارك التي نُظمت بمركز المنارة للمؤتمرات الدولية، بحضور أبناء شهداء القوات المسلحة والشرطة وعدد من مصابي القوات المسلحة والشرطة.
رد مؤلف “قطايف”
رد عبد الرحمن هيبة، كاتب ومؤلف برنامج “قطايف”، الذي تم عرضه خلال شهر رمضان على منتقدي الفنان سامح حسين بسبب تصريحاته في احتفالية عيد الفطر،ن قائلا :
كل اللي الراجل قاله ربنا يكتر أعيادنا (يعني يرزقنا بأيام جميلة نحتفل بيها طول السنة) ومش لازم ناخدها كلها إجازات، دا “إفيه” أقصى هجوم ممكن توجهه ليه إنك تقول عليه ما بيضحكش، أو” إفيه” قديم، لكن إني أشوف كل التقطيع دا في الراجل، وسب وطعن ولعن، علشان هزر بكلمة (والهزار بالمناسبة كان في سياقه الطبيعي) فدا تحفز أنا مش فاهم سببه بصراحة”.
وأوضح: “هعمل أكتر حاجة بكرهها في حياتي يا جماعة للمرة التانية وهشرح إفيه اتقال على سبيل الهزار، والهزار فقط وانا شاهد على الكلام دا وربنا يعلم اني بقول الحقيقة”، مضيفًا: “سامح ما كانش يقصد أننا نلغي الإجازات ولا أي حاجة من الكلام اللي بشوفه طول النهار دا، سامح كان بيقول ربنا يكتر أعيادنا، ومش لازم ناخدها كلها إجازات، يقصد الأعياد اللي لسه هتكتر، اللي بيتمناها، مش الأعياد الحالية”.
