كشف محمد الدماطي عضو مجلس ادارة النادي الأهلي، عن بدايه جلوسه مع محمود الخطيب رئيس النادي الأهلي والحديث عن سر حلم إنشاء ستاد الأهلي الجديد.
كتب الدماطي عبر فيس بوك: “هقول علي قصة عمري ما قولتها قبل كده، أول مرة قعدت مع الكابتن على الانتخابات كان في يوليو ٢٠١٧، كان اللائحة الاسترشادية نزلت وأعلن أنه هينزل انتخابات، أنا اللي بادرت بالمكالمة وعملت بريزنتيشن كاملة عن نقدر نعمل ايه في النادي، و كيفية تنمية الموارد، عملت الكلام ده و أنا مجرد مشجع بيحلم انه يكون موجود في قائمة محمود الخطيب.
وأكمل: “ بعد ما خلصت قولتلو انا شايف عشان الناس تصدق كل الوعود الانتخابية دي لازم نقول ن استاد الاهلي هيبقي صعب في المرحلة الحالية ومنقدرش نوعد بحاجة عنه، كان ماشي معايا طول القعدة كويس ومبسوط لحد الحتة دي، رد عليا بزعل، بس ده حلم الناس كلها و حلمي أنا شخصيا مقدرش أبدا أحبط الناس وإن شاء الله هنعملوا”.
وأضاف: وعلي مدار السنين اللي فاتت عمر ما الحلم ده غاب عنه وكان على طول مركز في تحقيقه وده بيعكس أد إيه الاستاد كان الهدف الاكبر، و إن شاء الله ٤ سنين من النهارده يبقي حاضر أول مباراة علي الاستاد الجديد كرئيس للنادي الأهلي.
وكشف النادي الأهلي، عن تفاصيل مشروع ستاد الأهلي حيث يعد استاد الأهلي، من أهم و أكبر المشروعات الرياضية خاصة أنه يمثل نقلة نوعية للنادي وجماهيره.
ويأتي المشروع ضمن خطة الأهلي لإنشاء مدينة رياضية متكاملة، تماشياً مع رؤية النادي المستقبلية.
