كشف عصام الحضرى، حارس مرمى منتخب مصر السابق، سر اهتزاز مستوى محمد الشناوى حارس مرمى النادي الأهلي الفترة الأخيرة
وقال الحضري، الشناوي ليست لديه أى مشكلة فى الجلوس بديلا لمصطفى شوبير، ولكن هناك حملة قوية ضده.
وأضاف عصام الحضري في مداخلة مع الإعلامى إبراهيم عبد الجواد عبر قناة أون تايم سبورتس: محمد الشناوى ليست لديه أى مشكلة في الجلوس بديلا لمصطفى شوبير، ولكن هناك حملة قوية ضده مع أنه أحسن حارس في الأهلي ومصر ورقم واحد، ومش علشان غلط فى مباراة خلال عشر مباريات أو أكتر ده طبيعي، الحارس معرض إنه يغلط زيه زى أى لاعب مش أزمة خالص.
وأضاف الحضرى: مصطفى شوبير حارس موهوب من الحراس القلائل اللى فى مصر ويجتهد ويشتغل في صمت، وأنا أكتر واحد اتكلمت عليه كويس أكتر من أبوه نفسه لأنى بعتبره زي ابنى.
وعن احتفال إمام عاشور بالبالونة البيضاء قال الحضري: لا يصح، وأراه مستفزا للمنافسين، ويجب أن نتجنب أى احتفال يتم فهمه غلط، واحنا مش كل اللي نشوفه في أوروبا نقلده هنا، واحتفاله مع بنته يكون فى البيت مش فى المباريات.
وطالب الحضري بـ محاسبة مجلس إدارة اتحاد الكرة السابق على رحيل كارلوس كيروش، الذى قدم مستويات كييرة مع المنتخب وهو حاليا في طريقه للمنتخب التونسى.
