منة فضالي تتحدث عن فارس أحلامها وعلاقتها بـ محمد إمام
كتب- وسام العاصي:
تحدثت مؤخرا الفنانة المصرية منة فضالي، عن فتي أحلامها ومتى ستدخل عش الزوجية وسر تأخر زواجها حتى الآن وهل تفضل الرجل المصري أم غيره.
وقالت منة فضالي في لقاء تلفزيوني على هامش تكريمها في مهرجان “الأفضل” The Best، الذي أقيم أخيراً أنها لا تفكر أبداً في الزواج، وفجّرت مفاجأة صادمة عن مواصفات فتى أحلامها.
حيث قالت : أنا مبفكرش في الزواج ،أنا كده حلوة قوي، أنا كده تمام، أنا مرتاحة جداً كده.
وحول مواصفات فتى أحلامها، قالت منة: معنديش أي فتى أحلام خالص دلوقتي، مبفكرش في الارتباط دلوقتي، يوم ما اتجوز هتجوز واحد من بره، هتجوز واحد أجنبي مش واحد مصري، مبفكرش في الارتباط دلوقتي.
وعن مسلسل “كوبرا” الذي قدّمته مع محمد إمام، قالت فضالي:
محمد من الناس الجميلة، تشتغلي معاه وأنت مرتاحة، مُريح جداً في الشغل، كواليسنا كانت حلوة، المخرج كان زي العسل الأستاذ أحمد شفيق”.
وأضافت: “قدمت في “كوبرا” شخصية شبهي، كانت فكاهية قوي وبتحب تضحك على طول، وأنا كده للأسف، لإن في ناس بتقول” دي عبيطة وهبلة”.
وأضافت منة : لاأنسى مشهد جمعني مع محمد إمام ،كان فيه فار حقيقي ومحدّش قال لنا، ولما اكتشفت قعدت أشدّه بره الكادر، وجريت وكنت هوقّع الكاميرات.
وحول دورها في مسلسل “سيد الناس” ضمن سباق رمضان 2025، قالت منة فضالي: مسلسل قوي وكاست عظيم، والأستاذ محمد سامي أكيد بيقدم أعمال متميزة، لكن مش هقدر اتكلم عن أي تفاصيل.
