كتب- عمرو الشامي:
فتح خالد الغندور، نجم الزمالك السابق،النار على الإعلامي أحمد شوبير، بعد استضافه إمام عاشور، نجم النادي الأهلي بـ قناة النادي.
نشر خالد الغندور، كلمات قوية ومنطقية خلال فيديو على صفحته الرسمية “فيس بوك”:
إمام عاشور، كان ضيف الإعلامي أحمد شوبير على قناة الأهلي، إمام عاشور، قال: الكابتن الخطيب قالي ركز ومتخسرش جمهور الزمالك فالكابتن شوبير قاله: طبعًا إنت مش متعود على الحاجات دي.
وأضاف: طبعًا حاجة عيب اللي قاله الكابتن أحمد شوبير، لأن ده نوع من التقليل من نادي الزمالك، عيب يا كابتن شوبير، إنت أكبر من كده بكتير….
ولو الخطيب، قال لإمام عاشور، متخسرش جمهور الزمالك، هل من الطبيعي إمام، يروح يغني مع جمهور الأهلي ويعمل كابو والجمهور. يقول “البيت بيضا”، هو أكيد عارف الجمهور قصده على مين.
وأتم: هل إمام عاشور، عمل بنصيحة محمود الخطيب؟ مفروض الكابتن شوبير، كان يقوله الكلام ده لكن عشان هو في قناة الأهلي مينفعش يقول الكلام ده، لكن في نفس الوقت مينفعش يقلل من نادي الزمالك ويرمي هذا الكلام…!
