كتبت: داليا عبد العزيز
قالت الخبيرة وسام القزاز مصممة أزياء الأطفال .. بداية “سيزون الصيف” من أمتع البدايات بالنسبالي لأن الصيف معروف بألوانه المبهجة و موديلاته كلها حركات و شقاوة و دلع.
وأضافت :الصيف بقدومه هو مصدر الالهام الاول بالنسبالي في تحضير الكوليكشن الجديد باخذ منه لون البحر ألوان السما ولون الشمس و كل الألوان المتصلة بيهم لأن هي دي ألوان الموضة الصيفية الأزرق و الأصفر الأحمر و الأورانج و الألوان المنشقة منهم زي الروز و الفوشيا و الفسفوري و الموف
كمان باخذ من الصيف فاكهته الشهيرة زي البطيخ المرتبط ارتباط وثيق بالصيف وبقوم بطبع الاقمشة بطبعات الفواكه الصيفية و بتكون شكلها مميز و مختلف
كمان الصيف و خروجاته كلها بتتجه اتجاه البحر و الساحل و النوادي و ده بيخليني أبدأ انفذ تصميمات مناسبة لهذا الاتجاه
بعمل فساتين البحر المميزة و الموديلات السهلة الخفيفة في اللبس و الحركة ما يجعل معظم الأمهات تتجه نحو تصميماتي
كمان باخد أفكار من الاطفال نفسهم و أشوف نفسهم في إيه و اعملو مع شوية تعديلات من عندي عشان الموديلات تاخد الطابع الخاص بي.
