دافع أحمد دياب رئيس رابطة الأندية عن الاتهامات التي تحوم حوله وتسببه في أزمة الراحل أحمد رفعت لاعب مودرن سبورت.
وقال“دياب” عبر مداخلة هاتفية مع إم بي سي مصر ،كان يجب استخراج تصاريح لسلامة خروجه من البلد وهذا لم يحدث من نادي مودرن سبورت وبالتالي تم تطبيق القانون عليه فور عودته لتهربه من التجنيد.
وقال أحمد دياب -رئيس النادي وقتها-: إحنا أخدنا إجراءات من الوزارة لسفر اللاعب لليبيريا وقرار للسفر إلي الإمارات، ودي الجهة اللي بيطلع منها اي قرار لسفر أي لاعب.
وأضاف: قلت لأحمد مش هقولك تركب الطيارة إلا لما القرار يطلع ويبقي في إيدي وبالتالي لما تم منحه قرار وزاري بأحقية السفر للإمارات للعب لنادي الوحدة قلت له سافر.
و أكمل: بعد القرار الوزاري والتعامل في الموقف القانوني الخاص بأحمد دي مش بتاعت النادي خالص إحنا خرجناه قانوني أي حاجة حصلت بعد كدا مش بتاعت النادي.
وقال : الرابطة لم تتجاهل موقف أحمد، إحنا عملنا مذكرة بكل القرارات الوزارية دي وقدمناها للجهة اللي كانت تابعة للحكاية وذهبت لجهاز الرياضة لتسوية وضع أحمد رغم إن أنا كنت تركت النادي من الأساس.
وكشف دياب عن أن القرار الوزاري دا تصريح سفر.. خطوات وإلزامي لخروج أي لاعب خارج مصر كدا النادي عمل اللي عليه .. أي حاجة تانية خارجة عن النادي.
