كتب- محمد عبد الهادي
مرتضى منصور رئيس نادي الزمالك السابق أكد أنه ترك مبلغ خرافي في حزينة نادي الزمالك قبل الرحيل ، وتسلم مجلس حسين لبيب المهمة.
وقال مرتضى منصور في تصريحات صحفية : سايب 36 مليون جنية من المحلات ، و36 مليون دولار تانيين ، بخلاف 100 مليون جنية من الشركة الراعية ، الأهم من دا كله 2 مليون ونصف المليون دولار .
وأضاف : وكل اللي قالوا عقده مزور يحطوا جزمة في بوقهم ، مين اللي قال بقي ؟ شوبير .
خدوا الغرامة بالمصري.. والفيفا يطالب بالدولار.!
وأتم : وازاي ياخدوا الغرامة بالمصري والفيفا نفسه رفض ده لكن مجلس لبيب أقوي من الفيفا ، موضوع كهربا دا مجلس لبيب ملوش علاقة بيه دا مجهودي انا وأحمد وامير مرتضى اللي جبنا الحكم.
كما كشف مرتضى منصور ، خسائر النادي، بعدما حصل على غرامة محمود كهربا لاعب فريق الأهلي، بالجنيه المصري وليس بالعملة الأجنبية على حد وصفه.
وقال مرتضى منصور،: “لما أنا مشيت كان فيه في حساب نادي الزمالك مبلغ 100 مليون جنيه، ولكن كان محجوزا عليها، ممدوح عباس لما فك الحجز، خدوهم ودفعوا المديونيات الخارجية وفكوا القيد يعني المجلس الحالي معملش حاجة.
وأكمل: دلوقتي يوجد جهاز فني أجنبي في الزمالك يحصل على راتبه بالدولار، ولاعبون أجانب يحصلون على راتبهم بالدولار أيضا، وأنت تحتاج العملة الصعبة، ولكن اللي عمله كهربا في النادي ودفعه الغرامة بالجنيه المصري لصالح مين؟، وقيام المجلس بحساب الدولار بـ30 جنيها يعني خسروا النادي أكتر من 100 مليون جنيه طيب مين هايحاسبهم؟”.
ردود أفعال غاضبة
وقد أثارت تصريحات ردود افعال غاضبة على السوشيال بسبب ضياع الملايين في أزمة محمود كهربا وتعاطف الكثيرون مع تصريحاته مطالبة مجلس لبيب بالرد على هذه الاتهامات وتساءلت ،ما السر في سداد غرامة كهربا بالجنيه المصري
