الإعلامي خالد سالم يكتب لـ «30 يوم»: الرشوة تغتال السياحة
تعالى نتكلم في الخارج انت هتدخل تاني وتحط المعلوم وأنا هساعدك وانت تساعدني …
جمله مشهوره الآن علي السوشيال ميديا وفضيحه علنيه من أمين شرطه مرتشي
الباشا أمين الشرطه اللي قدامكم ده أشهر مشهور علي السوشيال ميديا باشا مرتشي
الباشا أمين الشرطه طلب من سائح استرالي رشوه عاشان يعدي علي منفذ حدود شرم ..
الباشا قاله شغلل عاشان تعدي وكمان لغه إنجليزيه جامدة لأن واضح إنه حافظ الكلام وطبعا مش أول مره السائح طبعا طلع شخصية رياضية مشهورة هناك وصاحبه كان بيصور الواقعة.
والغريب في الأمر إن أمين الشرطه المرتشي شايف وعادي ولا في دماغه
الفيديو لف العالم كله على “السوشيال ميديا ”
أنا هنا بسأل أسئله دايما مش بعرف إجاباتها
هي كاميرات المراقبه في المطارات ومنافذ الحدود عندنا شغلتها إيه .. مش فيه ناس قاعدة وشايفة هي دورها إيه.. الوقائع دي للأسف بتحصل أمام كاميرات المراقبه يعني ببساطه لو تم التبليغ وقتها كان اتقبض متلبس والعكس هنلاقي السائح عمل فيديو شكر مش الفضيحه دي… للأسف بنتظر الفضيحه ونتحرك
يعني ايه فصل يا جماعة.. بجد هو مش مفروض فيه محاكمة دي جريمة رشوه مكتملة الأركان.. هو ليه مفيش عندنا جريمة اسمها إساءة للبلد، وتبقي جريمة جنائية مش جنح…
مش كفاية أمناء شرطه في البلد أو علي الأقل في أماكن السياح كل الفضايح منهم أنا ساعات بحس هما اللي مسئولين مش الظباط
يا حكومتنا انتم بتصرفوا مليارات علي السياحة وهي اللي بتسندنا .. كل المليارات دي بتضيع بسبب شخص مرتشي…!!
كاتب المقال : خالد سالم – إعلامي .. نائب الامين العام لاتحاد الإعلاميين الأفريقي الأسيوي.
اقرأ أيضا
الإعلامي خالد سالم يكتب لـ «30 يوم»: مسلسلات بطعم الكامنجه
