الوصفة السحرية آخر أعمالها .. لقاء سويدان تكشف على الهواء إصابتها بالعصب السابع

كتب- محمد شكر

بعد غياب طويل ،ظهرت الفنانة لقاء سويدان في برنامجها لأول مرة كاشفة عن حالتها الصحية وإصابتها بالعصب السابع، وأسباب غيابها عن متابعيها.

وقالت عبر برنامجها، أشكر الجميع ،وشكرا لكل دعواتكم، ووأول مرة بعد التعب، أنا جالي العصب السابع، واسمحوا ليا إنى أتكلم معاكم على مرضى، لأن أنتم بتشاركوني كل لحظات حياتي، في نجاحي ومسلسلاتي ومسرحياتي والبرنامج، وبتفرحوا معايا بكل حاجة حلوة، حبيت أظهر الجانب الإنساني فيا ليكم، ومن دون خجل.

وأضافت لقاء سويدان في حديثها: احنا بني آدمين وعندنا مشاكلنا الصحية والإنسانية ومحدش يتخيل إنها عندنا، الصورة اللى الناس واخدينها عن الفنانين هي صورة لامعه أوي، والناس بتقول إن لازم الفنانين طول الوقت يكونوا متشافين كدا، بس أنا حبيت أقولكم إن في لحظات ضعف كتير ومرض ويأس بتعدي علينا.

وقالت : المرض اللى جالى بناء على حالة نفسية سيئة مريت بيها، وأنا بكتم وبظهر قوتي ودايما كل اللى حواليا شايفني قوية، وظهرت حملات تشويه ليا وفي ناس كنت بعتبرهم صحابي وقريبين مني ومطلعوش على هذه المكانة، الفترة الزمنية اللى عايشنها الآن هي غريبة جدا، وكلنا بنمر بضغوط، بس الفكرة إننا نتحمل إزاى، وندى الآخرين فرصة يأثروا علينا إزاى.

كانت لقاء سويدان  شاركت في بطولة مسلسل “الوصفة السحرية” الذى عرض على قناة dmc ومنصة watch it.

لقاء سويدان تجسد في المسلسل شخصية سيدة متحررة في التفكير والشكل والملابس، لاسيما أنها عاشت معظم حياتها خارج مصر، وهى أم لطفلة وفى نفس الوقت أخت الفنان إسلام جمال، وتعيش في المجمع السكنى الذى تدور فيه أحداث العمل ويتواجد فيه معظم الشخصيات، وتحدث العديد من المواقف.

 موضوعات متعلقة

لقاء سويدان في أزمة صحية بسبب ساندوتش شاورما .. سر تحرير محضر بالقسم