لم ينته السجال بين علاء، نجل الرئيس المصري الأسبق، محمد حسني مبارك، ومصطفى بكري الإعلامي والنائب بعد تدوينات أتت بمناسبة ذكرى ميلاد الرئيس المصري، عبدالفتاح السيسي، وأثارت تفاعلا بين نشطاء على مواقع التواصل الاجتماعي، بعد أن طلب علاء من بكري عدم نسيان تاريخ ميلاده.
وهاجم مصطفى بكري، علاء، بتدوينة مطولة، واصفا إياه بـ”المراهق السياسي”، قائلا في جزء منها:” خمس مرات وأنت لا تتوقف عن الهرطقه في حقي، وكل مرة أقول: يا واد خليك انت الكبير، علاء مهما راح ولاجيه، لسه برضه مراهق سياسي، بكره يعقل، ولكن طلع رهاني خاسرا، لأنك زي اللي مسكوها طبله هات يا ردح..
قلت: أصبر عليه بكره يكبر ويتعلم معني الحوار الراقي، مفيش فايده، لغاية ما أيقظت (الصعيدي اللي جوايا)..”
ورد علاء بنشر مقطع فيديو على صفحته بمنصة إكس (تويتر سابقا) قائلا بتعليق:
“يا درش انت كبّرت الحكاية وكان ممكن كلمتين حلوين منك ينهوا الموضوع؛ (كل سنة وانت طيب يا اخ علاء وعقبال مائة سنة مع الاعتذار عن الأكاذيب اللي نشرتها عن الوالد رحمة الله عليه) أما موضوع الصعيدي اللي نايم جواك أنا مش هارد عليه ونكتفي برّد أخواتنا الصعايدة الجدعان عليك في صفحتك..
بالنسبة لصدر حضرتك الواسع وجلدك المنحس كما تفضلت، ده أمر لا يختلف عليه أحد..
أما موضوع المراهقة السياسية… أكيد حضرتك تقصد بيها مواقفك المتلونة؛ من مبارك وعكسه! والإخوان وعكسه! وأحداث يناير وعكسه الخ الخ .. وتلبيه لدعوة حضرتك وبكل أدب ورقي تعال نشاهد أصول الهرطقة..”
ودخل رجل الأعمال المصري الشهير، نجيب ساويرس على خط الجدال بعد أن قال له أحد المتابعين لـ ساويرس على منصة «إكس»: «نحب نسمع رأى حضرتك فى الخناقه دى؟»
ليرد كاتبًا: «الحقيقة مش قيمة الأستاذ علاء مبارك إنه ينزل لمستوى الراجل ده اللى ما اختلفش عليه اتنين! حتى أخوه الله يرحمه قال عليه إنه من صغره وهو كده».
وقال متابع آخر لـ ساويرس على منصة «إكس»: «أحب أسمع رأيك يا هندسة فى إن الصعيدى اللى جواه اتكلم»، ليرد كاتبًا: «لا يمت للصعايدة بصلة إطلاقًا».
اقرأ أيضا
